Egifezhi a Lagba Sheba.

Mohammed Adamu Mokwa, egifezhi yi zanazhi e lotun sakpazhi, eh finya, eh za be ebi, ebiko, gada, toh gonagi na. Eh sawun be egife nya ezhi ndocizhi toh efu ndocizhi. Egi enazhi e la ewo ya ah da sawun be egi ena ndocizhi ebo ah de ba la ena a gi. Egifezhi dan ezhi ndondo o, ah dokun titi-titi ahma ah dokun ezhiko gan banzunman. Ah de zumantu nya eza wunciko zhi, ata to egi siyasa zhi. Egifezhi e yinya, eh lo eminzazhi yeshi da la a nya zhi-yigbecizhi a yi saranyi o. Egifezhi e zunzan yeko, aga zan zun ah go ewo be ezazhi i, zana de ewo a na au wu. Egifezhi de etun gan enyafin a, enyayi be ewunsun ga a la dan yegboro bo, be dozhi na e nyiba na, eh lotun lati a, eh cewo a, eh lo kpikpewaba a, aga jin afe za fi zhi o ce yinya zhi. Eh ka nyamanci a zhi nbo a, eh lotun ya ah, eh le nbo a. Eka nya enace ga dabe, eh la detun be eza alowozhi (siyasazhi) ebona aga e yi kpati i ena o, aga kpati ena yi eh da la ezali (kuliya) na jin wangi a na la fi bo ebo ah de ba gi ena. Fa be kyangi na min de labe na e. Wun a gba kendo wo e wa na..